ពុទ្ធោ! ធ្វើដល់ឧកញ៉ាហើយនៅគេប្រកាសទារលុយក្តែងៗទៀត! ឧកញ៉ា លាន អាហ្វ្រីលគីនីន ត្រូវម្ចាស់បំណុលក្តៅក្រហាយត្រៀមប្តឹងលោក

ភ្នំពេញ៖ ពិតជាមិននឹកស្មាន ផ្ទុះដំណឹងចម្លែកនិងចាប់អារម្មណ៍ជាខ្លាំងនៅបណ្តាញសង្គម ដោយមានបុរសម្នាក់ហ៊ានធ្វើការប្រកាសនិងជូនដំណឹងទៅដល់ឧកញ៉ាល្បីឈ្មោះ ដែលជាអតីតសិល្បករម្នាក់គឺ លោក អាហ្វ្រីលគីនីន ដោយបានជំពាក់លុយរបស់បុរសម្នាក់ក្នុងទំហំទឹកប្រាក់ជាង៣ម៉ឺនដុល្លារ។

អ្វីដែលនោះ ម្ចាស់បំណុលបានធ្វើការប្រកាសដំណឹងឱ្យសាមីខ្លួន ដើម្បីចូលខ្លួនដោះស្រាយ ព្រោះកញ៉ាឧកញ៉ា លាន អាហ្វ្រីលគីនីន រូបនេះបានគេចវេសជាលើក រហូតធ្វើឱ្យម្ចាស់បំណុលទ្រាំនឹងទង្វើខូចបែបមិនបាន ក៏ប្រកាសនិងត្រៀមរៀបចំចាត់ការតាមផ្លូវច្បាប់ផងដែរ។

ម្ចាស់បំណុលនោះ មានឈ្មោះថា បេ សិក្ខារិទ្ធ “Sekharith Be” ដោយលោកបានសរសេរថា “សូមជូនដំណឹងដល់ឈ្មោះ លាន អាហ្រ្វីលគីនីន ចូលខ្លួនមកដោះស្រាយបំណុលដែលជំពាក់ខ្ញុំដោយហេតុថា បុគ្គលខាងលេី បានចេញសែកអត់លុយ ហេីយសន្យាម្ដងជាពីរដង តែមិនដែលចូលខ្លួនមកជួបដេីម្បីដោះស្រាយបំណុលនោះទេ។ បេីលោកនៅតែមិនចូលខ្លួនមកដោះស្រាយទៀតនោះ ខ្ញុំនឹងដាក់ពាក្យបណ្ដឹងទៅផ្នែកព្រហ្មទណ្ឌ ដេីម្បីអនុវត្តតាមនីតិវិធីច្បាប់ជាធរមាន”។

ក្រោយម្ចាស់បំណុលរូបនេះ បានធ្វើទម្លាយឧកញ៉ា លាន អាហ្វ្រីលគីនីន ដែលជំពាក់លុយត្រឹម៣,៥០០០ដុល្លារ នេះហើយស្រាប់ផ្ទុះការចាប់អារម្មណ៍យ៉ាងខ្លាំងនៅលើបណ្តាញសង្គម ហើយមានមហាជនជាច្រើនមិននឹកស្មានថា ឧកញ៉ារូបនេះ បែរជាសុខៗជំពាក់លុយគេ ខណៈលោកត្រូវបានគេដឹងជាអភិកជនដែលមានហ៊ឺរហារ ហើយកំពុងរស់នៅយ៉ាងសប្បាយជាមួយភរិយាក្រោយរបស់លោក ផ្អែមល្ហែមជាមួយគ្នារាល់ថ្ងៃ បង្អួតនៅលើបណ្តាញសង្គម។

ចំពោះព័ត៌មានជំពាក់លុយរបស់ឧកញ៉ា លាន អាហ្វ្រីលគីនីន ត្រូវបានបែកធ្លាយនិងម្ចាស់បំណុលប្រកាសត្រៀមអូសកចូលគុកនេះ ថាតើជាដំណឹងពិតឬយ៉ាងណានៅឡើយ ខណៈមូលហេតុនិងសាច់រឿងលម្អិត ទាំងម្ចាស់បំណុលនិងសាមីខ្លួនមិនបានបញ្ជាក់ឱ្យច្បាស់នោះដែរ។

សម្រាប់ លោកឧកញ៉ា លាន អាហ្វ្រីលគីនីន វិញគេនៅមិនទាន់ឃើញមានប្រតិកម្មតបឬបញ្ជាក់យ៉ាងណា នៅឡើយ។ ចំពោះរឿងចាប់អារម្មណ៍មួយនេះ មហាជនក៏ដូចជាបណ្តាញសារព័ត៌មានក៏ទន្ទឹមរង់ចាំមើលការបកស្រាយរបស់លោកផងដែរ។ សារព័ត៌មានយើងខ្ញុំក៏ទន្ទឹងរង់ចាំចម្លើយរបស់លោក ឧកញ៉ា លាន អាហ្វ្រីលគីនីន ចំពោះព័ត៌ក្តៅកកុះមួយនេះដែរ៕

អត្ថបទដោយ Renno រូបភាព សហការី