ឃើញទឹកចិត្តប្អូនប្រុស វឿន តុលា ល្អបែបនេះ! លោក ឌី វ៉ាន់ខូវ មិននៅស្ងៀមឡើយសម្រេចចិត្តទៅជួបភ្លាមៗ

ភ្នំពេញ៖ ប្អូនប្រុស វឿន តុលា ដែលជិះកង់កញ្ច្រាស់ហែរបក្សត្រូវគេមើលងាយថាក្រ ល្បីនៅបណ្តាញសង្គមរយៈពេលប៉ុន្មានថ្ងៃនេះ ពេលនេះត្រូវបានជួបមនុស្សចិត្តបុណ្យមកជួយហើយ លើកទឹកចិត្តប្អូនប្រុសម្នាក់នេះ បន្តឆន្ទៈរបស់ខ្លួនទៅមុខទៀត កុំចុះចាញ់។

លោក ឌី វ៉ាន់ខូវ អគ្គនាយកផ្សារ P.Y Mart បានសម្រេចចិត្តធ្វើរឿងល្អមួយដោយកិច្ចការរូមចំណែកគាំទ្រគណបក្សប្រជាជននិងលើកទឹកចិត្តយុវជនកម្ពុជា ក្នុងឆន្ទៈបំរើជាតិនិងគោរពតាមមាគារក្រោមម្លប់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជណាចក្រកម្ពុជា។

លោក ឌី វ៉ាន់ខូវ បានចុះទៅជួបផ្ទាល់នឹងអូនប្រុសដែលតស៊ូជិះកង់កញ្ចាស់ហែរបក្ស ហើយក៏ឆ្លៀតនាំយកជំនួយជាថវិកាបន្តិចបន្តួច ៥០០ដុល្លារ ជូនដល់ប្អូនប្រុស វឿន តុលា ក្នុងន័យចែករំលែក ។
ជាមួយគ្នានោះ សម្តេចតេជោ ហ៊ុន សែន បានក៏បង្ហោះសរសេរសារមួយអត្ថន័យផងដែរថា “កូនប្រុសទោះកូនក្រទ្រព្យសម្បត្តិតែ ទឹកចិត្តកូនមិនក្រទេ។ ទឹកមុខកូនពោរពេញដោយស្នាមញញឹម។ បង្ហាញថាគណបក្សប្រជាជនជារបស់ប្រជាជនហើយក៏ជារបស់កូនដែរដែលកូន ត្រូវចូលរួមការពារដើម្បីបុព្វហេតុសន្តិភាពនិងការអភិវឌ្ឍ។

សូមរំលឹកថាប្អូនប្រុស វឿន តុលា បច្ចុប្បន្នស្នាក់នៅបន្ទប់ជួលតូចមួយ ស្ថិតនៅភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ ហើយបច្ចុប្បន្នយុវជនរូបនេះមានបងប្អូន១០នាក់ ដែលសព្វថ្ងៃកំព្រាឪពុក ហើយម្តាយចាស់ជរាសុីឈ្នួលលាងចានអោយគេដើម្បីចិញ្ចឹមកូនៗ។

ប្អូនប្រុស វឿន តុលារ នៅតែនិយាយដដែលៗថា “គាត់គាំទ្រគណបក្សប្រជាជនតាំងពីតូចមក ហើយស្រលាញ់គាំទ្រសម្តេចតេជោខ្លាំងណាស់ អ្វីៗបែបជានិស្ស័យហើយមើលទៅ”។

ចុងក្រោយនេះប្អូនប្រុសសូមអរគុណលោក ឌី វ៉ាន់ខូវ អគ្គនាយកផ្សារ P.Y Mart ដែលមានសន្តានចិត្តសប្បុរសធម៌ ជួយចែករំលែកទុក្ខលំបាករបស់ប្អូន ហើយក៏សូមជូនពរលោកគ្រូ ព្រមទាំងក្រុមគ្រួសារ និង ក្រុមការងារសហការី ទាំងអស់ សូមសុខភាពល្អ អាយុយឺនយូរ ដើម្បីបន្តកិច្ចការងារចូលរួមរក្សាការពារសន្តិភាពជាបន្តទៀត ៕