ភ្នំពេញ៖ កាលពីល្ងាចម្សិលមិញនេះ ឯកឧត្តថោង ខុន ប្រធានសហព័ន្ធកីឡាកាយសម្ព័ន្ធកម្ពុជា និង ជាប្រធានគណៈកម្មាធិការជាតិអូឡាំពិកកម្ពុជា បានចូលទៅ Commen ក្នុងផេកហេ្វបុកស៊ីហ្គេមឆ្នាំ២០២៣ អបអរសាទរ និង កោតសសើរដល់អត្តពលិក និង លោកណយ ផាន់ណា អគ្គលេខាធិការសហព័ន្ធដែលបានខិតខំប្រឹងប្រែងយកមេដាយ បានរហូតទៅដល់ ៣គ្រឿង ក្នុងការប្រកួតកីឡាកាយសម្ព័ន្ធជើងឯក អាស៊ីលើកទី៧ ( Asian Aerobic championships) នៅប្រទេសថៃ។
ប្រធានសហព័ន្ធរូបនេះបានសសេរដូច្នះថា៖ សូមអបអរសាទរ និង សូមកោតសរសើរ ដោយស្មោះចំពោះ ការ ខិតខំប្រឹងប្រែង មិនចេះ នឿយ ហត់ របស់លោកគ្រូ ណយ ផា ណា អគ្គលេខា សហពន្ធ លោកគ្រូ អ្នកគ្រូ និងចៅៗ កីឡា ករ កីឡាការនីទាំងអស់។
ជាមួយគ្នានេះដែរ អគ្គលេខាធិការសហព័ន្ធលោកណយ ផានណា បានក៍បានថ្លែងអំណរអរគុណដល់ប្រធានសហព័ន្ធវិញដែលថា៖ ក្រោមការដឹកនាំរបស់ ឯកឧត្តមបណ្ឌិតប្រធានសហព័ន្ធ ប្រកបដោយភាពឈ្លាសវៃ និងភាពជាអាណាព្យាបាល ដែលតែងតែផ្តល់ការលើកទឹកចិត្ត សណ្តោសប្រណី ជាពិសេសនោះបានផ្តល់នូវមេត្តាករុណាធម៌ដល់កូនចៅក្រោមឱវ៉ាត ទើបយើងខ្ញុំទាំងអស់គ្មាជា មន្ត្រីក្រោមឱវ៉ាទ ធ្វើការងារទទួលបានលទ្ធផលល្អ ដូចបច្ចុប្បន្ននេះ ខ្ញុំបាទក្នុងនាមសហព័ន្ធសូមគោរពអរគុណ និងសូមគោរពជូនពរ ឯកឧត្តមបណ្ឌិតប្រធាន និងលោកជំទាវ បុត្រា បុត្រី ចៅប្រុស ចៅស្រីឲ្យជួបនូវតែសេចក្តីសុខ សុខភាពល្អ ជោគជ័យគ្រប់ភារកិច្ច និងមានអាយុយឺនយូជាងរយវស្សា ដើម្បីជាម្លប់ដល់កូនចៅជារាងរហូតទៅ ។
សូម ឯកឧត្តម មេត្តាទទួលនូវក្តីគោរព និងការស្រឡាញពីយើងខ្ញុំទាំងអស់គ្នាគិតត្រឹមល្ងាចថ្ងៃទី៤ ខែកញ្ញា ឆ្នាំ២០២២ម្សិលមិញនេះ អត្តពលិកកីឡាកាយសម្ព័ន្ធកម្ពុជា ដណ្តើមបានមេដាយសរុប ៣គ្រឿងហើយ ពីការប្រកួតកីឡាកាយសម្ព័ន្ធជើងឯកអាស៊ីលើកទី៧ ( Asian Aerobic championships) នៅប្រទេសថៃ។
មេដាយដែលអត្តពលិកកម្ពុជាដណ្តើមបាន ក្នុងនោះមេដាយប្រាក់ ដំបូងរកបានលើវិញ្ញសាគូរដោយ កីឡាករ ស៊្រាន វួចទ្រី ចាប់ដៃគូរជាមួយ កីឡាការិនី ឈួន ស្រីនាត ចំណែកមេដាយសំរឹទ្ធ រកបានលើវិញ្ញាសា ទ្រីយ៉ូដោយ កីឡាករ ស៊្រាន វួចទ្រី , កីឡាការិនី ឈួន ស្រីនាត និងកីឡាការិនី ច្រឹង ចាន់ត្រា ដែលប្រកួតក្នុងកម្រិតអាយុក្រោម១៥ ឆ្នាំ រីឯមេដាយប្រាក់១គ្រឿងបន្ថែមទៀតដណ្តើមបានដោយក្រុមកីឡាការិនី អាយុក្រោម ១៨ ឆ្នាំ មានដូចជា កីឡាការិនី ឌឹម អ៊នធីតា , កីឡាការិនី ណេម សុខហេង , កីឡាការិនី ស៊ីវ ចន្ថា , កីឡាការិនី សួស ស្រីពៅ , កីឡាការិនី ឈួន សុវណ្ណបញ្ញា ខណៈមេដាយមាសមិនទាន់ដណ្តើមបាននៅឡើយនោះទេ ៕
Discussion about this post