មិនដឹងថាខូចចិត្តនឹងរឿងអ្វី? យុវតីវ័យសិស្សសាលាម្នាក់ស្រាប់តែដាច់ចិត្តចងកសម្លាប់ខ្លួនចោលឪពុកម្តាយ

ភ្នំពេញ:យុវតីវ័យក្មេងដែលជាសិស្សសាលាម្នាក់ចងកសម្លាប់ខ្លួនក្រោមដើមស្វាយត្រូវបានក្រុមគ្រួសារប្រទះឃើញនៅវេលាម៉ោង ៦:០០ នាទីព្រឹកថ្ងៃទី ០១ ខែតុលា ឆ្នាំ២០២២ ត្រង់ចំណុចកៀនផ្ទះ ក្នុងសមាគមន៍ម៉ុងវៀតណាម-ចិន ស្ថិតក្នុងភូមិព្រៃទាទី១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

ជនរងគ្រោះដែលចង-ក សម្លាប់ខ្លួនមានឈ្មោះញ៉ែម ចាន់ម៉ីយ៉ុង ភេទស្រីអាយុ ១៧ ឆ្នាំមុខរបរជាសិស្សថ្នាក់ទី ១២ នៃសាលាសុវណ្ណភូមិ មានទីលំនៅស្នាក់នៅផ្ទះក្នុងសមាគមន៍ម៉ុងវៀតណាម-ចិន ស្ថិតក្នុងភូមិព្រៃទាទី១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានអំពីសាច់ញាតិត្រូវជាឳពុករបស់ជនរងគ្រោះបានឲ្យដឹងថាចំពោះការស្លាប់របស់កូនស្រីគាត់រូបគាត់ពុំដឹងមូលហេតុច្បាស់នោះទេ តែប៉ុន្មានថ្ងៃនេះកូនគាត់មិនសូវជានិយាយស្ដីអង្គុយនៅស្ងៀមតែម្នាក់ឯងមិនដឹងជាមានវិបត្តិអ្វីនោះទេ ស្រាប់តែនៅវេលាម៉ោង ៦:០០ ព្រឹករូបគាត់បានបើកទ្វារចេញមកខាងក្រៅផ្ទះក៏ប្រទះឃើញកូនស្រីចង-ក ស្លាប់បាត់បង់ជីវិតទៅហើយ នៅលើមេឃស្វាយកៀនផ្ទះដោយយកខ្សែក្រណាត់ពណ៌ខ្មៅចងភ្ជាប់នឹងដង្កៀបមេឃស្វាយភ្ជាប់និងករស្លាប់បាត់បង់អាយុជីវិត ភ្លាមនោះគាត់បានរាយការណ៍ទៅសមត្ថកិច្ចមូលដ្ឋានចុះមកពិនិត្យរួចទាក់ទងទៅសមត្ថកិច្ចជំនាញខាងកោសល្យវិច្ច័យចុះមកពិនិត្យបន្ត។

ក្រោយពីសមត្ថកិច្ចពិនិត្យរួចបានបញ្ជាក់ថាជនរងគ្រោះពិតជាចងកធ្វើអត្តឃាតសម្លាប់ខ្លួនឯងពិតប្រាកដមែន រួចសមត្ថកិច្ចក៏ប្រគល់សពទៅឱ្យក្រុមគ្រួសារយកទៅធ្វើបុណ្យតាមប្រពៃណី៕