ទើបតែមកពីសមុទ្របង្អួតសម្រស់សិចស៊ីយ៉ាងស្រស់ស្រាយ ស្រាប់តែថ្ងៃនេះ ម៉ូលីកា ទទួលកាដូថ្មីពីសង្សារចាស់នូវរថយន្ដទំនើបម៉ាក Mercedes ថ្មីស្រឡាងមួយគ្រឿង

ភ្នំពេញ៖ អគ្គនិយកាដឹកនាំក្រុមហ៊ុនដែលមានមុខរបបបីបួនមុខក្នុងដៃគឺ អ្នកនាង ម៉ូលីកា ដែលមហាជនស្គាល់ថា ជាអតីតតារាចម្រៀងRock និងត្រូវបានគេចាត់ទុកថាជាកំពូលតារាOnline ម្នាក់នាពេលបច្ចុប្បន្ននោះកាលពីព្រឹកថ្ងៃទី២៥ តុលា នាងបានទិញរថយន្ដទំនើបម៉ាកMercedes ព័ណខ្មៅ១គ្រឿងថែមទៀតហើយត្រូវឡានខាងក្រុមហ៊ុនដឹកយកទៅឲ្យនាងដល់ផ្ទះវីឡារនៅបុរីវារីណា សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ តាំងពីម៉ោងទាបភ្លឺមកម្ល៉េះ។

អ្នកនាង ម៉ូលីកា បានបង្ហោះសារអមដោយរូបភាពរថយន្តទំនើបមួយនេះដោយសរសេរថា “តំលៃមិនសំខាន់ គឺសំខាន់ទឹក70 ។ យកកាដូរអោយតាំងពីម៉ោង 4:15ព្រឹក អ្នកអគុណសង្សារចាស់”។

ក្រោយបង្ហោះ រថយន្ដទំនើបម៉ាក Mercedes ថ្មីស្រឡាងមួយនេះហើយគឺ បានធ្វើឱ្យមហាជននិងអ្នកគាំទ្ររបស់នាងចាប់អារម្មណ៍ទៀតហើយ ព្រោះទើបតែទិញរថយន្តថ្មីទំនើបៗជាបន្តបន្ទាប់មិនដល់ពីរខែផង។ សារខាងលើដែលអគុណដល់អតីតសង្សារនោះ គឺសំដៅរបស់ស្វាមីរបស់នាងនាពេលបច្ចុប្បន្ននេះ។ ស្វាមីរបស់អ្នកនាង ម៉ូលីកា គឺលោក ហុង មានុណ ដែលជាស្វាមីល្អនៅជាប់ជាមួយនឹងភរិយាគ្រប់កាលៈទេសៈនិងមើលថែប្រពន្ធបានយ៉ាងល្អ។
សូមរំលឹកផងដែរថា ពីរសប្តាហ៍មុន គឺលោក ហុង មានុណ ក្នុងវិឌីអូមួយបង្ហាញក្តីរំភើបអរខ្លាំងស្ទើរតែបេះដូងលោតចេញមកក្រៅទៅហើយ ព្រោះទទួលបានកាដូពិសេសពីភរិយាគឺ រថយន្តស្ព័រទំនើបស៊េរី Ferrari 488 GTB ដែលមានតម្លៃជិត៤០ម៉ឺនដុល្លារ ទើបកម្ម៉ង់យកដល់ស្រុកខ្មែរក្តៅៗពីភរិយា។

មហាជននិងអ្នកគាំទ្រនាំគ្នាត្រេកអរនិងស្ញើរសរសើរដល់គូស្នេហ៍ប្តីប្រពន្ធមួយគូនេះដែលរកស៊ីជោគជ័យ ទិញកាដូរថយន្តទំនើបៗ ជូនគ្នាទៅវិញទៅមក។
សូមបញ្ជាក់ថា រថយន្ដទំនើបម៉ាកMercedes ព័ណខ្មៅ១គ្រឿងដែលជាកាដូថ្មីសម្រាប់អ្នកនាង ម៉ូលីកានេះគឺតម្លៃជិត១៦ម៉ឺនដុល្លារឯណ្ណោះ ខណៈត្រឹមតែរយៈពេល២ខែចុងក្រោយនេះ អគ្គនាយិការូបនេះបានទិញរថយន្ដទំនើបដល់ទៅ៤គ្រឿងក្នុងពេលកៀកៗគ្នា មិនដល់ពីរខែផង។

ក្នុងនោះកាលពីចុងខែកញ្ញា នាងបានទិញរថយន្ដទំនើបម៉ាក Escalade ព័ណខ្មៅ១គ្រឿងតម្លៃជិតកន្លះលានដុល្លារ, ហើយនៅខែតុលា នាងបានទិញរថយន្ដទំនើបដល់ទៅ៣គ្រឿងម៉ាកខុសៗគ្នា ក្នុងនោះគឺមានរថយន្ដម៉ាកFerrari-488GTB ព័ណក្រហមតម្លៃ៣៥ម៉ឺនដុល្លារ,រថយន្ដម៉ាកBMW តម្លៃ៨ម៉ឺនដុល្លារ។

ចុងនេះសម្រាប់ថ្ងៃទី២៥ ខែតុលា ឆ្នាំ២០២២ គឺម៉ាកMercedes ព័ណខ្មៅថ្លៃជិត១៦ម៉ឺនដុល្លារនេះ ដែលគ្រាន់តែសរុបពីតម្លៃរថយន្ដខាងលើនេះនាងចំណាយដល់ទៅខ្ទង់ជាង១លានដុល្លារទៅហើយ។ បើនិយាយរឿងរថយន្តដែលប្រចាំថ្ងៃកន្លងមកនោះគឺអ្នកនាង ម៉ូលីកា និងស្វាមីនាងលោក ហុង មានុណ ធ្លាប់បានរថយន្ដទាំង៤គ្រឿងផងដែរគឺ មានដូចជាម៉ាក Ford Raptor ,Jaguar និងRange Rover ជាដើម៕

សូមបញ្ជាក់ថា អតីតតារាចម្រៀងស្រីប្រចាំផលិតកម្ម Rock ញា ម៉ូលីកា បានចាកឆ្ងាយពីជីវិតសិល្បៈដោយងាកទៅចាប់យកជំនួញរកស៊ីវិញ លក់ផលិតថែរក្សាសម្រស់តាមអនឡាយវិញ ឃើញថា ទទួលបានគាំទ្រ និង ជោគជ័យយ៉ាង ខ្លាំង។

ជាមួយគ្នានោះ អ្វីដែលធ្វើឱ្យមហាជនរឹតតែចាប់អារម្មណ៍នោះ គឺ ម៉ូលីកា ក៏បានបង្ហាញពីរថយន្តថ្មីស៊េរីទំនើបជាច្រើនគ្រឿងជាបន្តបន្ទាប់ ធ្វើឲ្យអ្នកលេងហ្វេសប៊ុក និង មិត្តសិល្បៈរបស់នាងនាំគ្នាលាន់សរសើរនិងអបអរនូវភាពជោគជ័យរបស់នាង។

អ្នកនាង ម៉ូលីកា ជាអតីតតារាចម្រៀងផលិតកម្ម Rock ហើយបានចាប់ផ្តើមមុខរបបលក់អនឡាយ នូវផលិតផលគ្រឿងថែរក្សាសម្រស់នារី និង បើកហាងជារបស់ខ្លួនជាបន្តបន្ទាប់ចាប់តាំងពីឆ្នាំ២០១៨ ដោយនាងបានចំណាយដើមទុនរាប់សិបម៉ឺនដុល្លារតាំំងពីនោះមក។ ហើយបើគិតមកដល់ឆ្នាំ២០២២នេះ នាងមានមុខរបបក្នុងដៃយ៉ាងតិចមិនក្រោម៤ក្រុមហ៊ុនឡើយកឺ ក្រុមហ៊ុនលក់ម៉ូតូ, ក្រុមហ៊ុនផលិតផលគ្រឿងសម្អាង, ក្រុមហ៊ុនអចលនាទ្រព្យ, ក្រុមហ៊ុនផ្តល់សេវាកម្មប្រាក់កម្ចី និង ជាពិសេសចុងក្រោយនេះ ល្បីខ្លាំងលេងតុងទីន មានរាប់រយនាក់ជាបន្តបន្ទាប់ ជឿទុកចិត្តលើមេតុងទីនរូបនេះ៕

អត្ថបទដោយ ម៉ា ច័ន្ទបូរិន រូបភាព fACEBOOK