Ah Na Paris Salon ឈរជើងរយៈពេល៥ឆ្នាំនៅកម្ពុជា ទម្លាយរឿងរ៉ាវជីវិតពិតរបស់ខ្លួននិងប្រកាសភាពជោគជ័យ

ភ្នំពេញ៖ មកក្រឡេកមើលវិស័យតុបតែងមុខនិងធ្វើម៉ូតសក់នៅកម្ពុជា គឺជាវិស័យដែលផុសផុលខ្លាំង និងត្រូវការចាំបាច់សម្រាប់ស្រ្តីៗ ដោយសារព័ត៌មានយើងខ្ញុំសូមមើលយកបុគ្គលកជោគជ័យម្នាក់ដែលជាថៅកែហាងសាឡនល្បីឈ្មោះនៅកម្ពុជាដោយឈរជើង អ្នកគាំទ្រយ៉ាងច្រើនសន្ធឹកគឺ Ah Na Paris Salon ដឹកនាំដោយលោក សីទ្ធិ សក្ក័។

ក្នុងឱកាសអបអរសាទរខួប៥ឆ្នាំនៃអាជីវកម្មហាងសាឡន Ah Na Paris Salon លោក សីទ្ធិ សក្ក័ បានផ្តល់កិច្ចសំភាសន៍ដល់ក្រុមសារព័ត៌មានឱ្យដឹងថា ក្រោយបញ្ចប់វិបត្តិកូវិដ១៩ស្ងាត់ផុតរលត់ទៅ វិស័យសាឡន ក៏បានងើបខ្លាំងឡើងវិញ ហើយជាពេលវេលាដែលលោកសម្រេចចិត្តយកថ្ងៃទី២៩ ខែតុលា ឆ្នាំ២០២២ សម្រាប់អបអរនូវការជើងឈរអាជីវកម្មរបស់ខ្លួនបានរយៈពេល៥ឆ្នាំហើយអាចហែលឆ្លង មកដល់សព្វថ្ងៃនេះ។ អ្វីដែលពិសេសលោកអគុណរាជរដ្ឋាភិបាលដែលធ្វើឱ្យសេដ្ឋកិច្ចជាតិងើបឡើងវិញ ទើបវិស័យមួយនេះរស់រៀនបន្តបានទៅមុខ។

ថ្លែងជាមួយគ្នានោះ លោក សីទ្ធិ សក្ក័ បានប្រាប់ឱ្យដឹងផងដែរថា ទម្រាំអាចហែលឆ្លងក្លាយខ្លួនជាថៅកែដឹកនាំបើកអាជីវកម្មហាងសាឡនមួយនេះ បានគឺលោកជួបឧបសគ្គជាច្រើន និងការលំបាក សម្រាប់អ្នកខ្លះស្ទើរមិនចង់ជឿនិងមិនអាចដូចលោកបាន។ លោកកើតចេញពីគ្រួសារក្រីក្រ ដោយសារតែខ្វះខាតគ្មានលុយទៅរៀនសូត្រដូចគេក្នុងភូមិ ទើបលោកដើរសុំការងារគេធ្វើតាំងពីនៅក្មេងៗ រហូតលោកសម្រេចចិត្តទៅធ្វើការផ្នែកសម្អាងការតាមពិធីមង្គលការ។

លោក សីទ្ធិ សក្ក័ បានបញ្ជាក់ថា បើនិយាយពីវិស័យមួយនេះ គឺលោកមិនដែលបានតាំងចិត្តស្រលាញ់ ឬមានក្តីប្រាថ្នា ដោយសារតែជីវិភាពខ្វះខាត ទើបខំប្រឹងទៅធ្វើឱ្យគេផ្នែក តុបតែងកាយ ធ្វើម៉ូតសក់នេះ ក្នុងនាមជាកូនឈ្នួលអស់រយៈពេល១៨ឆ្នាំ។ បទពិសោធន៍របស់លោកមួយនេះ ក៏បានរុញច្រានឱ្យលោកក្លាយជាថៅកែមានសមត្ថភាព ចំណេះដឹង និងធនធាន គ្រប់គ្រងអាជីវកម្មមួយនេះបានសម្រេចដូចសព្វថ្ងៃ។

សូមបញ្ជាក់ផងដែរថា Ah Na Paris Salon លោក សីទ្ធិ សក្ក័ ត្រូវបានបង្កើតឡើងអស់រយៈពេល៥ឆ្នាំមកហើយក្រោមការទទួលស្គាល់ និងការគាំទ្រយ៉ាងខ្លាំងពីសំណាក់ៗក្រុមតារាល្បីៗ បណ្តាអ្នកអភិកជន បណ្តាថ្នាក់ដឹកនាំជួរមុខនៅកម្ពុជា ហើយជាពិសេសស្រ្តីអ្នករកស៊ីជាច្រើនពេញចិត្តចំពោះ Ah Na Paris Salon លោក សីទ្ធិ សក្ក័ ដែលបានផ្តល់សេវាកម្មយ៉ាងល្អជូនដល់ភ្ញៀវផងដែរ។

ជាមួយគ្នានោះ ក្នុងឱកាសអបអរសាទរខួប៥ឆ្នាំនៃអាជីវកម្មហាងសាឡន Ah Na Paris Salon ផងដែរលោក សីទ្ធិ សក្ក័ ក៏បានបង្ហាញសមភាពដៃគូរកស៊ីថ្មីរបស់លោកគឺ អ្នកនាង លី ដារា អគ្គនាយិកាក្រុមហ៊ុនសាប៊ូកក់សក់ SEYORK បានចូលរួមសហាការនាំចូលសាប៊ូមានគុណភាពល្អប្រសិទ្ធខ្ពស់ ចូលមកកម្ពុជាសម្រាប់ចែកចាយបងប្អូនពលរដ្ឋកម្ពុជាទូរទាំងប្រទេសប្រើប្រាស់។ ចាប់ពីថ្ងៃអបអរកម្មវិធីនេះទៅ អគ្គនាយិកាក្រុមហ៊ុនសាប៊ូកក់សក់ SEYORK ត្រៀមធ្វើការងារជាមួយ Ah Na Paris Salon ដើម្បីបំពេញតម្រូវការទីផ្សារនិងផ្សព្វផ្សាយផលិតផលល្អមួយនេះឱ្យកាន់តែទូលំទូលាយជាងមុន សម្រាប់ស្រ្តីទទួលបានសរសៃសក់ស្អាតមានសុភាពល្អ៕