គ្រប់គ្នាកំពុងប្រកែកជាហ្វេន វ៉ាន់ដា ឬ ជីឌីវិត! តែខាងនេះដាក់មួយបទដែរមិនដឹងចង់ថាឱ្យនរណា? “កុំខ្វល់រឿងអត់ប្រយោជន៍”

ភ្នំពេញ៖ គ្រប់គ្នាកំពុងប្រកែកគ្នាក្នុងនាមជាហ្វេន វ៉ាន់ដា ឬ ជីឌីវិត តែខាងនេះដាក់មួយបទដែរកំពុងផ្ទុះពេញតិកតុងហើយក៏មានអ្នកគាំទ្រក៏មិនតិចដែរពេញចិត្ត និងកំពុងបទនេះ សម្តែង ច្រៀងតាម គឺបទ “កុំខ្វល់រឿងអត់ប្រយោជន៍” ដែលជាបទថ្មីរបស់ផលិតកម្ម ហ្សូន ។

បទ “កុំខ្វល់រឿងអត់ប្រយោជន៍” ត្រូវបានច្រៀងឡើងដោយកញ្ញា អេង ស្រីអូន ជាតារាចម្រៀង TOP SINGER OF ZONE ដែលទាក់ទាញយុវវ័យៗ ជាពិសេសមិត្តនារីជាច្រើនក្នុងបណ្តាញសង្គមតិកតុក នាំគ្នាស្តាប់ និងដោតបទនេះច្រៀងតាមៗគ្នា ហើយជាពិសេសកាត់ត្រង់ឃ្លា មួយដែលកំពុងចាក់ដោតខ្លាំងតែម្តងគឺ ត្រង់ចំណុចច្រៀងថា”កុំទៅខ្វល់នឹងសម្តីមិនបានការ កុំខ្វល់សម្តីអ្នកថា អ្នកធ្វើនៅតែធ្វើ”។

មួយបទថ្មីរបស់កញ្ញា អេង ស្រីអូន ច្រៀងរ៉េបស្របពេលមហាជនជាច្រើនកំពុងផ្ទុះការវ៉ែកញ៉េកនិងប្រកែកគ្នារឿងតារាចម្រៀង វ៉ាន់ដា និង ជីឌីវិត។ បទថ្មីរបស់ផលិតកម្មហ្សូនដែលចេញចំណងជើង “កុំខ្វល់រឿងអត់ប្រយោជន៍” អមដោយអត្ថន័យច្រៀងឌឺបកវិញបែបនេះ ថាតើចង់សំដៅទៅលើតារាចម្រៀងរូបណាទៅ? វ៉ាន់ដា ឬ ជីឌីវិត ? ឬមួយចង់ច្រៀងឌឺទៅកាន់តារាចម្រៀងទាំងពីររូបនេះយ៉ាងណា?

សូមស្តាប់បទចម្រៀងពេញ”កុំខ្វល់រឿងអត់ប្រយោជន៍”៖

សូមរំលឹកពីប្រវត្តិបន្ថែមផងដែរថា កញ្ញា អេង ស្រីអូន បានឈានជើងចូលប្រឡូកក្នុងអាជីពសិល្បៈអស់រយៈពេលជិត១៥ឆ្នាំមក ដែលផ្តើមពីការច្រៀងតាមភោជនីយដ្ឋាន និង Pub រហូតដល់ឆ្នាំ២០១៨នាងចូលច្រៀងក្នុងផលិតកម្ម Gold ជាផ្លូវការ និងមានបទចម្រៀងប្រមាណ១០បទកន្លងមក ចុងក្រោយនៅលេចមុខជាតារាចម្រៀងកំពូលប្រចាំផលិតកម្ម Zone មានបទចម្រៀងសុទ្ធតែទទួលការគាំទ្រខ្លាំងមហាជន។

កញ្ញា អេង ស្រីអូនក៏ធ្លាប់បានចូលរួមប្រកួតក្នុងកម្មវិធី Cambodia Idol រដូវកាលទី១កាលពីអំឡុងឆ្នាំ២០១៥ផងដែរ។ នាងក៏ជាម្ចាស់ពានរង្វាន់លេខ២លើការប្រកួតកម្មវិធីពេជ្រកំពុងឆ្នៃ ឆ្នាំ២០១៨ផង។ ក្នុងឆ្នាំ២០១៨ បទដែលផ្ទុះខ្លាំងធ្វើឱ្យល្បីមាននារីៗច្រើនយកផុសតៗគ្នារហូត គឺ “អូនមិនមែនជាធនាគារ”។

ចុងក្រោយមកនេះ បទល្បីខ្លាំងនៅផលិតកម្មហ្សូនមានដូចជាបទ “ហេតុអ្វីបងទុកអូនចោល”, “អស់ពេលស្តាយក្រោយ”, “មនុស្សល្អម្តេចមិនជួប”, “Saveពាក្យស្មោះShareពាក្យបែក”, “និស្ស័យប្រុសព្រាន” ហើយក្នុងចំណោមបទជាច្រើនដែលផ្ទុះការគាំទ្រខ្លាំងនោះគឺមានបទមួយដែរ មានអ្នកគាំទ្ររាប់លាននាក់ពេញចិត្តខ្លាំង នៅតែបន្តLikeនិងShare គឺ “អូនឈប់រំខានបងហើយ”៕