តារាសិចស៊ី គីមគីម ត្រូវបុរសម្នាក់បោកប្រាក់ខាតអស់៣ម៉ឺនដុល្លារ ទើបតែដាច់ចិត្តទម្លាយការពិត

ភ្នំពេញ៖ តារាសម្តែងស្រីស្អាតសិចស៊ីដ៏ល្បីម្នាក់គឺ កញ្ញា គីមគីម បានទម្លាយរឿងចាញ់បោគគេម្នាក់អស់ប្រាក់ខាតបង់ចំនួនបីម៉ឺនដុល្លារ ព្រមទាំងដាក់ពាក្យបណ្តឹងរួចរាល់ដើម្បីស្នើរសុំសមត្ថកិច្ចជួយចាត់បុគ្គលិកខិលខិតរូបនេះទៅតាមតាមច្បាប់។

អ្វីដែលធ្វើឱ្យកញ្ញា គីមគីម ចាញ់បោកខាតប្រាក់អស់ដល់៣ម៉ឺនដុល្លារដោយសារតែបុគ្គលនេះ ប្រើប្រាស់រូបភាពជាអ្នកដឹកនាំកម្មវិធីដោយអះអាងប្រើប្រាស់ឯកសារបន្លំស្ថានទូតកូរ៉េនិងក្រសួងការបរទេសកម្ពុជា ថាមានពិរពណ៌នៅប្រទេសកូរ៉េ ត្រូវការអ្នកសម្តែងនិងតារាម៉ូឌែលចូលរួមជាច្រើន ហើយតម្រូវអោយបង់ប្រាក់មុនជាថ្នូរបានការងារចេញទៅ។ ប៉ុន្តែចុងក្រោយបោកប្រាស់បន្លំយកលុយរួច បាត់ស្រមោល ហើយទើបពិនិត្យឃើញ នៅប្រទេសកូរ៉េគ្មានកម្មវិធីតាំងពិរពណ៌អ្វីទាំងអស់។

ជនឆបោក មានឈ្មោះ : Prim Pheareak FB ( វីរះ បុត្រ ) ដោយកញ្ញា គីមគីម បានស្គាល់និងរាប់គ្នាជាយូរឆ្នាំមកហើយតែចុងក្រោយបុគ្គលនេះបែរក្លាយមនុស្សឆបោក ទាំងដែលធ្លាប់ធ្វើការងារជាយូរមកហើយ និងធ្វើការជាមួយគ្នាតាម Event បុគ្គលនេះជាមេដឹកនាំខាងរបាំម្នាក់។

រសៀលថ្ងៃទី១៨ ខែវិច្ឆិកា ឆ្នាំ២០២២ កញ្ញា គីមគីម បានបង្ហោះសារលើហ្វេសប៊ុកបញ្ជាក់ឱ្យដឹងកាន់ច្បាស់ទៀតថា ថ្ងៃមួយបុគ្កលឆបោកម្នាក់នេះបានបោះកម្មវិធីអោយខ្ញុំដែរវាថាមានកម្មវិធី ទៅសម្តែងនៅទីក្រុងBusan ប្រទេស Korea នៅថ្ងៃទី 25 ដល់ ថ្ងៃទី 31 ខែ 10 ឆ្នាំ2022 ចំនួន5ថ្ងៃ ធើ្វការ ដោយអះអាងថាខាងក្រសួងការបរទេស និង ខាងទូតកូរ៉េសហការគ្នានាក់រៀបចំកម្មវិធីនេះ។

អោយខ្ញុំហៅសិល្បះករជាច្រើន និងក្រុមបច្ចេកទេសផ្សេងៗ ខាងខ្ញុំសរុប90នាក់ / ក្រុមខាងបង MC 10ជាង / ក្រុមខាងសំអាងការ 7 អ្នកជនឆបោកអ្នកហៅផ្ទាល់ ។ ( ទាំងអស់100នាក់ជាង )
ដែរគេតម្រូវអោយបង់ក្នុងម្នាក់175$ ថ្លៃធ្វេី Visa និងថ្លៃធើ្វPCR test Covid ដោយគេអះអាងថាទៅដល់ Korea ខាងទូតKorea និងវេរលុយឲ្យវិញ ភ្លាម ។ មូលហេតុដែលជឿជាក់បុគ្គលនេះ ដោយខ្ញុំគិតថាមានLogo ក្រសួងការបរទេស Ministry of Foreign Affairs and International Cooperation – Cambodia ហេីយក៏ជាអ្នកសិល្បៈដូចគ្នា ហើយតែងតែធ្វើការពេលមានកម្មវិធីជាមួយគ្នាម្ដងៗ កំសត់ កំរ ជាមួយគ្នាទេីបខ្ញុំជឿហេីយទុក្ខចិត្តជនឆបោកម្នាក់នេះ ។ ខ្ញុំមានភស្តុតាងគ្រប់យ៉ាងទាំងអស់ដែលជនឆបោកម្នាក់នេះបានបន្លំឯកសារជាច្រើនជាពិសេសឯកសារក្រសួងការបរទេស ដើម្បីឲ្យខ្ញុំទុក្ខចិត្ត ។

ខ្ញុំបានខាត់បង់លុយអស់ច្រេីន 30000$ ជាងថ្លៃធើ្វ visa និង pcr test covid និង សម្លៀកបំពាក់ និង កក់គេជាច្រើន ។ លុយខ្ញុំតែម្នាក់ឯង ដោយសារខ្ញុំមិនចង់ឲ្យក្រុមការងារពិបាកសុខចិត្តចេញលុយខ្លួនឯងមុន ខ្ញុំចង់ឱ្យក្រុមការងារខ្ញុំស្អាតខ្ញុំខ្លាចធើ្វមិនទាន់ទើបខ្ញុំចេញលុយខ្លួនឯងដើម្បីរៀបចាំគ្រប់យ៉ាង …..
ដោយខ្ញុំគិតថាវាមិនហ៊ានបោកខ្ញុំទេ ដោយសារតែមានឯកសារ Logo ក្រសួងការបរទេស , មានធនាគារកាណាឌីយ៉ា , មានក្រុមការងារច្រើនព្រមទាំងបានយកឈ្មោះអ្នកមានមុខមាត់ក្នុងសង្គមជាច្រើនជាច្រើនទើបខ្ញុំហ៊ានជឿ ។

តែកាពិតវាបោកខ្ញុំទាំងអស់ បន្លំឯកសារគ្រប់យ៉ាង។ ខ្ញុំសុំនិយាយកាត់ៗ ប៉ុន្តែរឿងដែលខ្ញុំនិយាយជារឿងពិតមិនមែនប្រឌិតហើយក៏ខ្ញុំមានភស្តុតាងគ្រប់យ៉ាងទាំងអស់។ហើយពេលនេះខ្ញុំឲ្យខាងច្បាប់ជាអ្នកធ្វើរឿងក្តីនេះហើយខាងមេធាវីរបស់ខ្ញុំ និងខាងតុលាការកំពុងធើ្វការរឿងក្តីនេះ ។

( ហើយពេលនេះជនឆបោកថោកទាបនោះកំពុងជាប់គុកនៅព្រៃសបណ្ដោះអាសន្នចាំតុលាការកាត់ទោសវាតាមផ្លូវច្បាប់ ) ខ្ញុំចង់ឲ្យបងប្អូនទាំងអស់គ្នាជួយស៊ែរដើម្បីឲ្យខាងក្រសួងការបរទេស បានដឹងពីដំណឹងនេះផង ដោយសារតាបុគ្គលឆបោកម្នាក់នេះបានបន្លំឯកសារក្រសួងការបរទេស ភស្តុតាង ខ្ញុំមានគ្រប់យ៉ាង ខ្ញុំចង់ហើយក្រសួងការបរទេសបានដឹងពីដំណឹងនេះផង។

បងប្អូនសិល្បៈទាំងអស់គ្នាអាចទុកចិត្តបានរឿងក្តីនេះខាងតុលាការកំពុងធើ្វការរឿងនេះហើយ ខ្ញុំមិនលើកលេងឲ្យវាជាដាច់ខាត ខាតបង់លុយកាក់និងពេលវេលារបស់ខ្ញុំជាច្រើនដែលខ្ញុំខំប្រឹងធើ្វការនេះណាស់ ។

មូលហេតុ ដែលខ្ញុំទើបតែផុសដោយសារខ្ញុំចាំលិខិតពីតុលាការកាត់ទោសរឿងក្តីនេះ ប៉ុន្តែខ្ញុំមិនអាចចាំបានទៀតដោយសារខ្ញុំមិនចង់ឱ្យគេគិតថាខ្ញុំចូលដៃចូលជើងជាមួយវាទេ ទាំងខ្ញុំជាជនរងគ្រោះដូចគ្នា ចិត្តមនុស្សមើលមិនឃើញមែនសុំខ្លាចហើយមេរៀនជីវិត។