ក្រោយរៀបការរួចស្រាប់តែតារាសម្តែងថៃដ៏ល្បី Pancake នឹងត្រៀមកម្មវិធីធំមកលេងស្រុកខ្មែរដើម្បីជួបអ្នកគាំទ្រ, ថាតើអ្នកគាំទ្រយ៉ាងណាដើម្បីជួបIdol?

ភ្នំពេញ៖ ពិធីជប់លៀងមង្គលការរបស់តារាសម្តែងដ៏ល្បីប្រចាំប្រទេសថៃ Pancake កាលពីថ្ងៃទី០៨ ខែធ្នូ ឆ្នាំ២០២២ បានរៀបចំឡើងយ៉ាងអធិកអធម ក្រោមការអញ្ជើញភ្ញៀវរាប់ពាន់នាក់ដែលសុទ្ធសឹងតែជាអភិកជននិងបណ្តាអ្នកសិល្បៈតារាថៃ។

ការពិត តារាស្រី Pancake និង គូដណ្តឹង អ្នកទាំងពីរកាន់ដៃគ្នាចូលរោងការយ៉ាងពេញមុខពេញមាត់ម្តងហើយ កាលពីថ្ងៃទី ១០ ខែមិថុនា ឆ្នាំ ២០២២ ។ ចំណែកពិធីកាលពីថ្ងៃទី០៨ ខែធ្នូ ឆ្នាំ២០២២ កន្លងមកថ្មីៗនេះគឺជាពិធីជប់លៀងធំហៅភ្ញៀវមកអញ្ជើញដឹងលឺនិងអបអរផ្ទាល់ ព្រោះតែថ្ងៃរៀបការដំបូងគឺធ្វើឡើងត្រឹមតែលក្ខណៈគ្រួសារប៉ុណ្ណោះ ជាហេតុមិនបានអញ្ជើញហៅភ្ញៀវបានច្រើន។

ក្រោយរៀបការហើយជាផ្លូវការច្រើនដងនេះ តារាស្រីល្បីប្រចាំប្រទេសថៃ នឹងដាក់គោលដៅមកកម្ពុជា ដែលត្រៀមរៀបចំគម្រោងសម្រាប់ដំណើរកម្សាន្ត ហើយជាពិសេសនោះ គឺគម្រោងមកជួបអ្នកគាំទ្រក្នុងកម្មវិធីធំមួយ។ នៅពេលដឹងថា Idol របស់លោកអ្នកនឹងមកលេងស្រុកខ្មែរ ថាតើ យ៉ាងណាដើម្បីបានជួបIdol? មានវិធីបែបណា?

ជាមួយគ្នានោះ អគ្គនាយិកាក្រុមហ៊ុនគ្រឿងសម្អាងដ៏ធំល្បីប្រចាំប្រទេសកម្ពុជា គឺអ្នកនាង អ៊ឹម សុគន្ធា បានធ្វើការប្រកាសជូនដំណឹងឱ្យដឹងដោយបង្ហោះសារនៅលើហ្វេសប៊ុកថា “Idol អ្នកណាខ្លះបងប្អូន….?? មកទាំង2អ្នកគូរស្វាមី ភិរិយាតែម្ដងទើបតែរៀបការហើយឥឡូវត្រូវហោះមកជួបបងប្អូន… ថ្ងៃទី23ខែនេះហើយ… មកបង្ហាញការជឿជាក់នឹងទំនុកចិត្ត ជាមួយផលិតផលក្រុមហ៊ុន HK7។ អ្នកណាខ្លះចង់ជួបidol ស៊ែរ3ដង អោយសំបុត្រចូលរួមកម្មវិធី1សន្លឹក ចំនួន5នាក់។”

ផ្តល់កិច្ចសំភាសន៍និងបំភ្លឺដល់សារព័ត៌មានយើងខ្ញុំអ្នកនាង អ៊ឹម សុគន្ធា បានប្រាប់ឱ្យដឹងថា តារាសម្តែងថៃដ៏ល្បីអ្នកនាង ផេនខេក បានក្លាយជាទូតសុច្ឆនៈរបស់ក្រុមហ៊ុនគ្រឿងសម្អាងនិងថែរក្សា HK7 របស់អ្នកនាងហើយ ហើយជាការពិតព្រោះអ្នកនាងបានចុះកុងត្រានិងធ្វើកិច្ចព្រមព្រៀងសហការជាមួយគ្នាជាផ្លូវការនិងប្រកាសរួចហើយដែរក្នុងប្រទេសថៃ។

អ្នកនាង អ៊ឹម សុគន្ធា អគ្គនិយកាក្រុមហ៊ុន HK7 ក៏បញ្ជាក់ទៀតថា តារាសម្តែង ផេនខេក បានក្លាយជាទូតសុច្ឆនៈតំណាងឱ្យផលិតផលបំប៉នសម្រស់ Crystal Collagen HK7 សម្រាប់រយៈពេលកន្លះឆ្នាំ ដោយអ្នកនាង ផេនខេក នឹងត្រៀមបង្កស្នាដៃជាច្រើនក៏ដូចជាការអញ្ជើញមកកាន់ស្រុកខ្មែរ ដើម្បីជួបអ្នកគាំទ្រ ក៏ដូចជាធ្វើកម្មវិធីធំប្រកាសជាផ្លូវការថ្ងៃទី២៣ ខែធ្នូ នាពេលខាងមុខនេះ។ អ្វីដែលសំខាន់នោះ អ្នកនាងក៏នឹងធ្វើការណែរនាំនូវផលិតផលដ៏ល្អមួយនេះ ឱ្យស្គាល់គុណប្រយោជន៍សម្រាប់ស្រ្តីខ្មែរ ជាពិសេសអ្នកចង់ស្អាតដូច Pancake នៅក្មេងមានរូបសម្រស់ស្រស់ស្អាត មិនព្រមចេះចាស់៕