ឯកឧត្តម ប៉ាន់ខែម ប៊ុនថន ជួបសំណេះសំណាលជាមួយប្រតិភូសម្ពន្ធយុវជនស្រលាញ់សន្តិភាពត្រៀមចូលរួមព្រឹត្តិការណ៍ “ដើរដេីម្បីសន្តិភាពពិភពលោក” នៅក្នុងប្រទេសម៉ាឡេស៊ី

ភ្នំពេញ៖ ព្រឹកថ្ងៃចន្ទ ទី១៩ ខែធ្នូ ឆ្នាំ២០២២នេះ ឯកឧត្តម ប៉ាន់ខែម ប៊ុនថន ប្រធានប្រតិបត្តិសម្ពន្ធយុវជនស្រលាញ់សន្តិភាព បានចួបសំណេះសំណាលជាមួយប្រតិភូសម្ពន្ធយុវជនស្រលាញ់សន្តិភាព ដែលត្រៀមខ្លួននឹងធ្វេីដំណេីរទៅចូលរួមព្រឹត្តិការណ៍ “ដើរដេីម្បីសន្តិភាពពិភពលោក (Walk  for World Peace)” នៅក្នុងប្រទេសម៉ាឡេស៊ី នាថ្ងៃទី១៤ ខែមករា ឆ្នាំ២០២៣ខាងមុខនេះ។

ក្នុងជំនួបនោះឯកឧត្តម ប៉ាន់ខែម ប៊ុនថន បានផ្តាំផ្ញេីឱ្យប្រតិភូសម្ពន្ធយុវជនស្រលាញ់សន្តិភាពត្រូវប្រកាន់ខ្ជាប់នូវសីលធម៌ និងត្រូវមានមោទកភាព ចំពោះខ្លួនឯង ដែលមានឱកាសតំណាងជាតិបង្ហាញខ្លួនជាសាធារណៈនៅលេីឆាកអន្តរជាតិ ដូច្នេះប្រតិភូទាំងអស់ត្រូវមានអកប្បកិរិយាថ្លៃថ្នូរបង្ហាញអន្តរជាតិឱ្យស្គាល់អត្តសញ្ញណយេីងជាខ្មែរ តាមរយៈការលេីកដៃសំពះ  ភាពរស់រាយរាក់ទាក់ និងការស្លៀកពាក់ដែលមានចរិតបង្ហាញលក្ខណៈជាខ្មែរ ហេីយអ្វីដែលរឹតតែសំខាន់ គឺការបង្ហាញអន្តរជាតិឱ្យដឹងអំពីជីវភាពរស់នៅប្រកបដោយស្នាមញញឹមរបស់្រជាជនយេីង ក្រោមដំបូលសន្តិភាព និងការដឹកនាំប្រកបដោយគតិបណ្ឌិតរបស់ប្រមុខរាជរដ្ឋាភិបាលយេីង ដែលមានសម្តេចអគ្គមហាសេនាបតីតេជោ ហ៊ុន សែន ជាបិតាស្ថាបនិកនយោបាយឈ្នះឈ្នះនាំមកនូវសន្តិភាពពេញលេញជូនកម្ពុជានាឆ្នាំ១៩៩៨ និងអគ្គមគ្គុទេសក៍ដឹកនាំដ៏ឆ្នេីមរបស់កម្ពុជាយេីង។

ជាមួយគ្នានេះជឿជាក់ថាអន្តរជាតិ នឹងពិតជាផ្តោតការចាប់អារម្មណ៍ខ្លាំងមកលេីកម្ពុជា ព្រោះឆ្នាំ២០២២-២០២៣នេះ កម្ពុជាយេីងគឺជាប្រធានដឹកនាំកិច្ចប្រជុំអាស៊ាន និងជាម្ចាស់ផ្ទះរៀបចំការប្រកួតកីឡាស៊ីហ្គេម និងប៉ារ៉ាហ្គេមថែមទៀតផង៕