ឃើញសារបង្ហោះហើយអ្នកគាំទ្រចង់គាំង! សុខៗស្រាប់តែកញ្ញា រ៉ូស ស្នើរដល់អ្នកឧកញ៉ា ឡេង ណាវ៉ាត្រា ផ្តល់ឱកាសឱ្យនាងជាតារាចម្រៀងនៅផលិតកម្មកាឡាក់ស៊ី

ភ្នំពេញ៖ មិនដឹងថា នាងបង្ហោះសារបែបនេះ មានគោលបំណងអ្វី ឬ គ្រាន់តែលេងសើចចង់ពញាក់អារម្មណ៍ដល់មហាជនឬយ៉ាងណា ក្រោយសាររបស់កញ្ញា រ៉ូស បង្ហោះហើយពិតជាធ្វើឱ្យអ្នកគាំទ្រ នាំគ្នាគាំងស្ទើរតែអស់យោបល់ទៅហើយ។

ព្រោះតារាស្រីសម្បូររឿងអាស្រូវរូបនេះ ស្រាប់តែថ្ងៃទី០៦ ខែមករា ឆ្នាំ២០២៣ សុខៗបែរជា កញ្ញា រ៉ូស បានធ្វើការស្នើរដល់អ្នកឧកញ៉ា ឡេង ណាវ៉ាត្រា ផ្តល់ឱកាសឱ្យនាងក្លាយជាតារាចម្រៀងប្រចាំក្នុងផលិតកម្មកាឡាក់ស៊ី។

កញ្ញា រ៉ូស បានសរសេររៀបរាប់ថា “ខ្ញុំចង់ចូលផលិតកម្មgalaxy Navatra ច្រៀង សង្ឃឹមថាខាងផលិតកម្មបានឃើញអាចផ្តល់ឱកាសអោយខ្ញុំបានចូលច្រៀងផង ព្រោះខ្ញុំស្រលាញ់ខាងចំរៀងខ្លាំងណាស់ 🙏❤️😍ខ្ញុំសង្ឃឹមថាខាងផលិតកម្មgalaxy Navatra នឹងផ្តល់ឱកាសអោយខ្ញុំបានចូលច្រៀង 🙏😍ខ្ញុំសង្ឃឹមថាលោកឧកញ៉ាឡេងណាវ៉ាត្រានឹងផ្តល់ឱកាសអោយខ្ញុំបានចូលច្រៀងផងចុះ 🙏ខ្ញុំចូលច្រៀងដោយមិនយកប្រាក់ខែទេ 🙏សំខាន់ការងារដែលខ្ញុំស្រលាញ់ខ្ញុំចង់ច្រៀង។”

មហាជនជាច្រើន ឬអ្នកគាំទ្រផលិតកម្មកាឡាក់ស៊ី គ្រាន់តែឃើញសាររបស់ កញ្ញា រ៉ូស នាំគ្នាប្រតិកម្មនិងតបសួរទៅកាន់តារាស្រីរូបនេះ វិញថាមានធ្លាប់ចូលប្រឡងកម្មវិធីណាអត់ បានចង់ចូលផលិតកម្មគេ គួរទៅប្រឡងសិនទៅ។ អ្នកមតិអ្នកខ្លះថា រ៉ូស គួរច្រៀងនៅផលិតកម្មភ្លើងមេឌា របស់អ្នកដឹកនាំលោក ភ្លើង ទៅល្អជាង។

ពិតជាគួរឱ្យភ្ញាក់ផ្អើលមែន សម្រាប់តារាស្រីរូបនេះ សម្បូររឿងរងការរិះគន់ជាច្រើនមកហើយនៅតែ មិនចេះស្ងៀមឡើយ នៅបន្តបញ្ចេញសកម្មភាពខុសទំនងមកទៀត រហូតធ្វើឱ្យមហាជនបញ្ចេញមតិរិះគន់លើនាងមិនសំចៃឡើយ។

សូមបញ្ជាក់ផងដែរថា កញ្ញា រ៉ូស គឺធ្លាប់បានក្លាយជាតារាចម្រៀងប្រចាំផលិតកម្មភ្លើងមេឌា ដោយបានចេញបទចម្រៀងជាច្រើនអមដោយការរិះគន់លើនាង ហើយបទដែលមហាជនអស់សំណើចមានដូចជា “ចេកខ្ចិះ” និងបទ “សាឡាត់” មើលហើយ ស្តាប់ហើយ គឺអាចស្វាងស្មារតី មិនងងុយដេកឡើយ នៅពេលបើកបររថយន្ត៕

អត្ថបទដោយ Mr. Renno រូបភាព Facebook