ពិតជាសាហាវមែន! ប្តីខឹងប្រពន្ធខ្លាំងរហូតដល់ថ្នាក់សម្លាប់តែម្តងហើយបើកឡានទម្លាក់ចូលព្រែក (ចុចអានលម្អិតនិងមូលហេតុ)

សេចក្តីរាយការណ៍ព័ត៌មានបឋម៖ ឈ្មោះ កប ស្រីនី អាយុ ២៨ឆ្នាំ មុខរបរ នៅផ្ទះ ស្នាក់នៅ បន្ទប់ជួល ភូមិស្ទឹងវែង សង្កាត់ ស្ទឹងវែង ក្រុងខេមរភូមិន្ទ ខេត្តកោះកុង ត្រូវបុរសជាប្តី ដែលប្រចណ្ឌ ខ្ទប់ច្រមុះ ឲ្យថប់ដង្ហើមស្លាប់ ហើយបើកឡាន ទម្លាក់ទឹកព្រែក នៅចំណុច ចាំលុង ភូមិតាចាត ឃុំទួលគគី ស្រុកមណ្ឌលសីមា ខេត្តកោះកុង ត្រូវអ្នកនេសាទ ប្រទះឃើញ នៅវេលាម៉ោង ៧និង៥០ នាទី ព្រឹកថ្ងៃទី ០២ ខែកុម្ភៈ ឆ្នាំ២០២៣ ។

ប្រភពសាក្សីដែលជាប្រជាពលរដ្ឋបានស្គាល់ជនរងគ្រោះ បានរាយការណ៍ឱ្យដឹងបន្ថែមថា ជនរងគ្រោះជាប្រពន្ធចុងឬស្រីស្នេហ៍របស់ជនល្មើសដែលជាឃាតករប៉ុណ្ណោះ មិនមែនជាប្រពន្ធពិតប្រាកដឡើយ ហើយក្រោយពេលសម្លាប់ជនរងគ្រោះរួចបែរជារត់មកចងកបញ្ចប់ជីវិតតាមក្រោយនឹងដើមឈើរទៅវិញ។

តាមសម្តីរបស់សាក្សីដែលស្គាល់បានបញ្ជាក់ទៀតថា នារីដែលស្លាប់ជាស្រីស្នេហ៍បុរសចងកនោះទេ។ បុរសដែលជាឃាតករ បានតេទៅប្រាប់ប្រពន្ធរបស់ខ្លួនថាគាត់ទៅដេីរលេងហេីយក៏ សុំទោសប្រពន្ធផងដែរ។ ប៉ុន្តែរួចមកក៏បើកឡានជាមួយស្រីចូលទឹកតែម្តងព្រោះបុរសនេះបានប្រច័ណ្ឌស្រីស្នេហ៍របស់ខ្លួន(ប្រពន្ធចុង)រូបនេះជាមួយបុរសម្នាក់ផ្សេងទៀត។ ក្រោយបើកឡានទម្លាក់ទឹកហើយ បុរសនោះមិនស្លាប់ទេ ហើយសម្រេចចិត្តហែលឡើងគោកមកចងកសម្លាប់ខ្លួន ដើម្បីបញ្ចប់ជីវិតតាមក្រោយនៅក្បែរកន្លែងហេតុនោះតែម្តង៕