វេជ្ជបណ្ឌិតកែសម្ផស្សល្បីនៅកម្ពុជានិងប្រធានសិល្បៈចេញមុខព្រមៗគ្នា គាំទ្រប្រពន្ធដើមតាមប្តីផិតក្បត់ទាំងផ្នែកកែប្រែសម្រស់និងផ្នែកច្បាប់ ប្រឆាំងអំពើផិតក្បត់នៅកម្ពុជា (ចុចអានលម្អិត)

ភ្នំពេញ៖ ប៉ុន្មានថ្ងៃមកនេះ រឿងរ៉ាវប្រពន្ធដើមស្របច្បាប់ដែលបានតាមទាន់ប្តីរបស់ខ្លួនផិតក្បត់ កំពុងដេកអោបគ្នាក្នុងផ្ទះសំណាក់ ហើយក្រុមប្រពន្ធដើមសម្រុកចូលវាយស្រីស្នេហ៍របស់ប្តីឡើងទ្រោមខ្លួននោះ ក៏ផ្ទុះព័ត៌មានវែកញ៉ែកគ្នា រហូតមានបុគ្គលកខ្លះចេញចោទថា ក្រុមប្រពន្ធដើមប្រើអំពើហិង្សារលើនារីជាស្រីស្នេហ៍ដែលជាសាហាយស្នន់ គឺខុសច្បាប់ ដោយអាចប្រឈមមុខនឹងច្បាប់មានទោស ពិន័យជាប់ពន្ធធានាគារច្រើនឆ្នាំទៀត។

ក្រោយរឿងរ៉ាវដ៏ស្រើបដែលកំពុងប៉ះពាល់អារម្មណ៍ស្រ្តីនៅកម្ពុជាស្ទើរមួយប្រទេសទៅហើយនោះ ចំពោះរឿងយកប្តីគេនេះ បានក្លាយជាប្រធានបទដ៏ក្តៅកកុះផងដែរ ហើយជាមួយគ្នានោះ អ្នកនាង ចន ច័ន្ទលក្ខិណា ប្រធានសមាគមសិល្បៈករខ្មែរ បានចេញមុខដល់នារីជាប្រពន្ធដើមកុំអោយភិតភ័យនិងជូនទៅរកមេធាវីការពារចំពោះ ការប្រព្រឹត្តខុសចំពោះកំហុសកើតឡើងដែលទៅវាយសាហាយស្នន់ ទាំងកម្រោលមិនបានពិចារណាខ្ពស់។

លោកជំទាវ ចន ច័ន្ទលក្ខិណា បានឲ្យដឹងថា៖«ដោយសារចេះតែមានការបង្ហោះបង្អើ…លផ្លូវច្បាប់ជាច្រើនធ្វើឲ្យប្អូនស្រីមានការភិ…ត..ភ័..យយ៉ាងខ្លាំងរហូតបាត់បង់ជំហរនិងមិនអាចផ្តោតអារម្មណ៌ធ្វើការរកសុីដើម្បីចិញ្ចឹមកូនទាំង២ ប្អូនក៏បានខលមកសុំជួបខ្ញុំដើម្បីពិភាក្សា ថ្ងៃនេះខ្ញុំក៏បានជូនប្អូនស្រីមកជួបជាមួយមេធាវី គឺ លោកជំទាវ ងួន មករា នៅការិយាល័យមេធាវី MK ASIA LAW FIRM អរគុណចំពោះលោកជំទាវ ងួន មករា ដែលបានជួយដោះស្រាយឲ្យប្អូនស្រីដោយស្ម័គ្រចិត្ត និង មិនគិតកំរៃ»។

ជាមួយយគ្នានោះ អ្នកនាង ម៉ង គីមអេង វេជ្ជបណ្ឌិត ឯកទេស វះកាត់កែសម្ផស្ស និងជា អគ្គនាយិកា មជ្ឈមណ្ឌល កែសម្ផស្ស គ្រីស្តាល់បានធ្វើការប្រកាសឱ្យដឹងផងដែរថា អ្នកនាងព្រមចេញថ្លៃនិងជួយដល់នារីរងគ្រោះដែលត្រូវជាប្រពន្ធដើមដែលតាមទាន់ប្តីផិតក្បត់នោះ ដោយអ្នកនាងវេជ្ជបណ្ឌិតគាំទ្រផ្តល់សេវាកម្មកែសម្ផស្សជូន១០០ភាគរយ។ ហេតុដូច្នេះ អ្នកនាង ស៊ន សុជាតិ ដែលកំពុងជួបទុក្ខត្រូវប្តីក្បត់និងត្រូវចិញ្ចឹមកូន២នាក់ទៀត គឺខាងមជ្ឈមណ្ឌល កែសម្ផស្ស គ្រីស្តាល់ ចូលរួមគាំទ្រនិងលើកម្ពស់ អ្នកនាង ស៊ន សុជាតិ ឱ្យមានសម្រស់ស្អាតថ្មី មិនឱ្យចាញ់នូវស្រីក្មេងស្រីស្នេហ៍សាហាយស្នន់នោះឡើយ។ អ្នកនាងវេជ្ជបណ្ឌិត ម៉ង គីមអេង ប្រកាសសូមឱ្យ អ្នកនាង ស៊ន សុជាតិ មកកាន់មជ្ឈមណ្ឌល កែសម្ផស្ស គ្រីស្តាល់ ឬ ទំនាក់មកលេខទូរសព្ទ 016 968 861 / 077656263 ។

អ្នកនាងវេជ្ជបណ្ឌិត ម៉ង គីមអេង បានបញ្ជាក់់ទៀតថា ក្នុងនាមអ្នកនាងជាប្រពន្ធស្របច្បាប់ម្នាក់ សូមការលើកទឹកចិត្តដល់ស្រ្តីឬមិត្តនារីគ្រប់រូប ត្រូវគិតគូរឿងសម្រស់ភាពស្រស់ស្អាត ហើយជាពិសេសស្រាប់អ្នកនាងផ្ទាល់គឺផ្តល់នឹងផ្តល់ការបញ្ចុះតម្លៃជូន៥០ភាគរយទាំងអស់គ្នាសម្រាប់ស្រ្តីៗឬមិត្តនារី ដែលជួបរឿងប្តីផិតក្បត់ លះលែងគ្នា ប្តីទៅរកថ្មី អ្នកនាងវេជ្ជបណ្ឌិត ផ្តល់ការលើកទឹកចិត្តជាពិសេស។ អ្នកនាងវេជ្ជបណ្ឌិតផ្ទាល់តែម្តង សូមចូលរួមប្រឆាំងនឹងអំពើផិតក្បត់ សាហាយស្នន់ ទាំងអស់៕