លោកជំទាវ ឧកញ៉ា ម៉ែន ចិន្តា ពិតជាស្ត្រីខ្លាំងម្នាក់ប្រកបដោយភាពតស៊ូមិនធម្មតា ក្រោយពីលោកជំទាវលាតត្រដាងពីជីវិតតស៊ូនៅប្រទេសកូរ៉េ

(ភ្នំពេញ) ៖ នៅក្នុងឪកាសបុណ្យទិវាសិទ្ធនារីអន្តរជាតិ កន្លងទៅកាលពីពេលថ្មីៗនេះ គេបានឃើញវត្តមានលោកជំទាវចិត្តធម៌ ម៉ែន ចិន្តា បានបង្ហាញវត្តមាន នៅក្នុងកិច្ចសម្ភាសន៍ ១របស់ ក្រសួងកិច្ចការនារី ដោយសារតែក្រសួងបានសម្លឹងឃើញពីការតស៊ូ ជំនះឧបសគ្គ ជាច្រើន រហូតដល់វិវត្តន៍ខ្លួនក្លាយជាស្ត្រីរឹងមាំ ពូកែ និងជាស្ត្រីម្នាក់ដែលទទួលបានជោគជ័យនោះ ខាងផេករបស់ក្រសួងក៏បានសម្ភាសន៍លោកជំទាវ ដើម្បីជាការចែករំលែកបទពិសោធន៍ ទៅដល់ស្ត្រីជាច្រើនទៀត អាចយកធ្វើជាគំរូ។

អ្វីដែលធ្វើឲ្យមហាជន ជាពិសេសស្ត្រីជាច្រើនក្តុកក្តួល និងកោតសរសើរពីជីវិតតស៊ូរបស់លោកជំទាវនោះគឺ លោកជំទាវបានរៀបរាប់ពីជីវិតខ្លះៗ ដោយសារតែជីវភាព គ្រួសារក្រីក្រ និងត្រូវបានគេមើលងាយ ដោយសារតែគ្រួសារលោកជំទាវមិនមានទ្រព្យ រស់នៅពិបាកខ្វះមុខខ្វះក្រោយ ទើបធ្វើឲ្យលោកជំទាវ ជំនះបញ្ហាទាំងអស់ សុខចិត្តចំណាកស្រុក ទៅរស់នៅប្រទេសកូរ៉េ តស៊ូលំបាកវេទនា មិនថាមានបញ្ហា ឧបសគ្គយ៉ាងណាទេ លោកជំទាវបានប្រឹងប្រែងតស៊ូ ពីបាតដៃទទេរហូតដល់អាចកសាងខ្លួន មានមុខរបរ ២-៣ នៅក្នុងដៃ ដោយសារតែភាពលំបាក បានធ្វើឲ្យលោកជំទាវ មានភាពក្លាហានជួយដល់ពលករ-ពលការិនី ដែលទៅធ្វើការងារនៅប្រទេសកូរ៉េ ពី១ទៅ១ រហូតដល់លោកជំទាវបានសាងស្នាដៃ ជួយពលករបានច្រើន រហូតដល់ធ្វើឲ្យកិក្តិនាមលោកជំទាវល្បីរន្ទឺ មានបងប្អូនពលករស្រលាញ់គោរពលោកជំទាវកាន់តែច្រើនឡើង។

ការពិតនៅពីក្រោយភាពជោគជ័យរបស់ លោកជំទាវឧកញ៉ា ម៉ែន ចិន្ដា គឺមានការតស៊ូនឹងភាពជូរចត់ជាច្រើនដែលគាត់បានឆ្លងកាត់ ប៉ុន្តែលោកជំទាវមិនដែលរាថយទេ លោកតែងតែប្រឹងប្រែងជំនះឧបសគ្គ និងបញ្ហា កែប្រែបញ្ហាមកជាឪកាស វាមិនងាយស្រួលទេ ដែលលោកជំទាវបានមកឈរនៅចំណុចនេះ ហើយការចែករំលែករបស់លោកជំទាវ គឺជាបទពិសោធន៍១ដែលលោកជំទាវចែករំលែកទៅបងប្អូន បានដឹងពីប្រវត្តិ របស់លោកជំទាវ គ្មានភាគជោគជ័យណាបានមកដោយស្រួលទេ៕