ពិតជាអស្ចារ្យមែន! រឿងភាគថ្មី “កំណួចបេះដូង” ប្រជុំដោយតារាល្បីៗនិងមានសមត្ថភាពនឹងធ្វើឱ្យជក់ចិត្ត ដោយកាលពីថ្ងៃសម្ពោធជាផ្លូវការចាក់បញ្ចាំងនៅលើកញ្ចក់ទូរទស្សន៍លេខ៥ឃើញវត្តមានទាំងចាស់និងក្មេងដូចជា៖ លោក សាវិន ហ្វីលីព, លោក លាង ឧត្តម, លោក ចូអ៊ី, កញ្ញា សីសី, កញ្ញា គីម ឡាង, អ្នកនាង ញឹម ចាន់ថន, អ្នកនាង ដានី អារីយ៉ា, កញ្ញា អូនផ្កា, និងក្រុមតារាប្រុសស្រីស្អាតជាច្រើនដួងសរុបជាង៣០នាក់ដើម្បីផលិតរឿងភាគល្អមួយ ក្រោមការដឹកនាំផលិតកម្មសហប្រាំពីរ។
សូមបញ្ជាក់ថាកាលពីថ្ងៃទី២៦ ខែតុលា ឆ្នាំ២០២១ ផលិតកម្មភាពយន្តមួយដែលមានឈ្មោះថា “សហប្រាំពីរ” ប្រកាសនូវរឿងភាគថ្មីជាស្នាដៃដំបូងរបស់ខ្លួនក្នុងប្រវត្តិសាស្ត្ រឿង”កំណួចបេះដូង”ត្រូវបានដាក់បញ្ចាំងនៅទូរទស្សន៍ប៉ុស្ដិ៍លេខ៥ចាប់ពីរាត្រីថ្ងៃទី២៦ខែតុលាតទៅ ហើយក្រៅពីលោកចូអ៊ី និងសីសី ជាតួឯកនោះភាពយន្ដមួយនេះប្រជុំទៅដោយតារាសម្ដែងល្បីឈ្មោះជាច្រើនដួងទៀតចូលរួមសម្ដែង ទើបធ្វើឲ្យសាច់រឿងកាន់តែមានភាពទាក់ទាញនិងរស់រវើក។ លោកចូអ៊ី និងកញ្ញាសីសី បានផ្ដាំទៅFanរបស់ពួកគេថាសូមឲ្យបងប្អូនទាំងអស់គ្នាជួយគាំទ្រភាពយន្ដខ្មែររឿង”កំណួចបេះដូង”នេះផង ដើម្បីលើកស្ទួយវិស្ស័យភាពយន្ដខ្មែរឲ្យស្ទុះទៅមុខនិងជាកំលាំងចិត្តដល់ផលិតករខ្មែរយើងទាំងអស់គ្នា៕
សូមទស្សនាទិដ្ឋភាពនៃពិធីសម្អោធរឿង “កំណួចបេះដូង” ត្រូវបានដាក់បញ្ចាំងនៅទូរទស្សន៍ប៉ុស្ដិ៍លេខ៥ចាប់ពីរាត្រីថ្ងៃទី២៦ខែតុលាតទៅ៖
សូមទស្សនាកិច្ចសំភាសន៍តួឯកក្នុងរឿងនេះគឺលោក ចូអ៊ី និង កញ្ញា សីសី៖
Discussion about this post