បាត់ដំបង: ឧស្សាហ៍ជុំគ្នាផឹកសប្បាយតែលើកនេះមកដូចរាល់ដង តែពួកម៉ាក់សម្លាញ់ប្តូ.រផ្តា.ច់របស់ខ្លួនម្នាក់បែរជាបែកគំនិតទា.ញកូនកំា.បិតចា.ក់បំពង់ក ទៅលើពួកម៉ាកដែលកំពុងផឹកឱ្យស្លាប់ក្នុងរង្វង់ផឹកស៊ីយ៉ាងសាហាវព្រៃផ្សៃ។
សមត្ថកិច្ចនគរបាល ស្រាវជ្រាវឃាត់ខ្លួនមនុស្ស ចំនួន ៣ នាក់ អនុវត្តតាមនីតិវិធី ពាក់ព័ន្ធករណីជំរិតទាប្រាក់ ចេញថ្លៃផឹកស៊ី និងទិញគ្រឿងញៀនជក់ ចុងក្រោយ ប្រេះស្រាំ ឈានដល់ការសម្លាប់គ្នា។ លោកវរសេនីយ៍ទោ សេង លុច អធិការនគរបាលស្រុកថ្មគោល បានបញ្ជាក់ប្រាប់ ឲ្យដឹងថា÷ ក្រោយករណីឃាតកម្ម ខាងលើ បានកើតឡើងភ្លាម កម្លាំងផ្នែកជំនាញ បានចុះស្រាវជ្រាវ យ៉ាងដុតដៃដុតជើង រហូតឃាត់ខ្លួន បានជនសង្ស័យ សរុបចំនួន ៣ នាក់ បន្តបន្ទាប់គ្នា រួចកសាងសំណុំរឿង នាំខ្លួនបញ្ជូនទៅកាន់ សាលាដំបូង ខេត្តបាត់ដំបង ដើម្បីវិនិច្ឆ័យទោស តាមច្បាប់តែម្តង នៅចុងសប្តាហ៍ កន្លងមកនេះ។
ជនសង្ស័យមានឈ្មោះ ផេង ប្រុស ភេទប្រុស អាយុ ៣៧ ឆ្នាំ រស់នៅភូមិអង់ជើង ឃុំតាម៉ឺន, ឈ្មោះ ចាន់ ឆាត ភេទប្រុស អាយុ ៤០ ឆ្នាំ រស់នៅភូមិគោកក្តួច ឃុំតាពូង និងម្នាក់ទៀត ឈ្មោះ គង់ គឹម ភេទប្រុស អាយុ ៤១ ឆ្នាំ ទាំងអស់គ្នា រស់នៅភូមិអង់ជើង ភូមិគោកក្តួច ក្នុងឃុំតាម៉ឺន ស្រុកថ្មគោល ខេត្តបាត់ដំបង ចំណែកឯជនរងគ្រោះ មានឈ្មោះ ម៉ៃ សុផាត ភេទប្រុស អាយុ ៤២ ឆ្នាំ រស់នៅភូមិអង់ជើង ជាមួយគ្នា។
លោកវរសេនីយ៍ទោ សេង លុច បានបន្តថា មុនថ្ងៃកើតហេតុ មួយថ្ងៃ ជនសង្ស័យ ខាងលើ បានទៅស៊ីផឹក ដូចធម្មតា ជាមួយជនរងគ្រោះ ដោយឲ្យជនរងគ្រោះ ជាអ្នកចេញលុយ ឲ្យដូចមុនៗ នៅផ្ទះរបស់ជនរងគ្រោះ ហើយចុងក្រោយ ជនបង្កបានបង្ខំឲ្យជនរងគ្រោះ ទៅទិញគ្រឿងញៀន ដើម្បីយកមកជក់ថែមទៀត តែជនរងគ្រោះមិនបានទៅទិញឲ្យទេ ដោយពោលពាក្យថា ជក់ខ្លួនឯងឲ្យខ្ញុំទៅ ខ្ញុំមិនទៅទេ ទៅទិញខ្លួនឯងទៅ។
ភ្លាមនោះ ជនសង្ស័យ បានស្រែកគំរាមថា ហែងបានតែអារ ក សម្លាប់ចោលទេ ថាហើយពួកគេ ក៏នាំគ្នាចាកចេញបាត់ទៅ រហូតដល់រសៀល ថ្ងៃកើតហេតុថ្ងៃទី ២៦ ខែវិច្ឆិកា ឆ្នាំ២០២១ ពួកគេបានស៊ីផឹក សារជាថ្មីទៀតក៏កើតរឿងជនបង្ក យកកូនកាំបិត ចាក់បំពង់កជនរងគ្រោះ ជាជនពិការ បណ្តាលឲ្យស្លាប់តែម្តង ៕
Discussion about this post