ប្រទេសស្រីលង្កាបង្កើនតម្លៃកំណត់លើមុខទំនិញសំខាន់ៗដើម្បីបិទទីផ្សារងងឹត

ថ្មីៗនេះរដ្ឋាភិបាលស្រីលង្កាបានលើកឡើងតម្លៃកំណត់នៃទំនិញសំខាន់ៗមួយចំនួនក្នុងគោលបំណង បញ្ឈប់ការតម្រង់ជួររាប់ម៉ោងដើម្បីទិញទំនិញរបស់ប្រជាជន។ កាលពីសប្តាហ៍មុន រដ្ឋាភិបាលបាន ចាត់វិធានការដើម្បីដកមុខទំនិញដូចជា ម្សៅស្រូវសាលី ម្សៅទឹកដោះគោ ស៊ីម៉ងត៍ និងឧស្ម័ន LP ចេញ ពីបញ្ជីទំនិញដែលបានកំណត់ ដោយបើកផ្លូវសម្រាប់អ្នកនាំទំនិញចូលដើម្បីបង្កើនតម្លៃទំនិញ របស់ពួកគេសម្រាប់ទីផ្សារក្នុងស្រុក។ អស់ពេលជាច្រើនខែមកហើយ ដែលមនុស្សបានតម្រង់ជួរ ជារៀងរាល់ថ្ងៃនៅខាងក្រៅកន្លែងអាជីវកម្មរបស់រដ្ឋ ដើម្បីទិញម្សៅទឹកដោះគោ អង្ករ ឧស្ម័ន LP និងរបស់របរចាំបាច់ផ្សេងទៀត។

នៅចុងខែកញ្ញា ឆ្នាំ 2021 ម្ចាស់រោងម៉ាស៊ីនកិនស្រូវបានប្រកាស ពីតម្លៃអង្ករលក់រាយថ្មី បន្ទាប់ពីការសម្រេចចិត្តរបស់រដ្ឋាភិបាលក្នុងការលើកតម្លៃកំណត់។ ហើយ ចំណាត់ការនេះបានធ្វើឡើងបន្ទាប់ពីរដ្ឋាភិបាលបានប្រកាសដាក់ប្រទេសក្នុងគ្រាអាសន្នជុំវិញបញ្ហា កង្វះស្បៀងអាហារកាលពីថ្ងៃទី៣១ ខែសីហា និងបានដាក់ការបែងចែក ដោយបង្ខំឱ្យកសិករលក់ ស្រូវទៅឱ្យភ្នាក់ងាររដ្ឋ និងរឹបអូសយកមួយចំនួនពីឃ្លាំងឯកជន ដែលនាំឱ្យមានការខ្វះខាតលើ រូបិយប័ណ្ណបរទេសដែលបណ្តាលមកពី វិបត្តិជម្ងឺរាតត្បាត បន្ថែមពីលើការខ្វះខាតស្បៀងអាហារ ថ្នាំពេទ្យ និងរបស់របរចាំបាច់ផ្សេងទៀតនៅក្នុងកោះដែលមានប្រជាជនចំនួន 21 លាននាក់។

ទេសាភិបាលធនាគារកណ្តាល Nivard Cabraal បាននិយាយថាគាត់បានផ្តល់សិទ្ធិចំនួន 50លានដុល្លារដើម្បីទទួលបានការព្រលែងទូកុងតែន័រដែលផ្ទុកម្សៅទឹកដោះគោដែលត្រូវបានឃាំងនៅ ក្នុងកំពង់ផែ Colombo អស់រយៈពេល 3 ខែកន្លងមកនេះ។ ដរាបណាតម្លៃកំណត់ត្រូវបានលើក ឡើង អ្នកនាំចូលម្សៅទឹកដោះគោត្រូវដំឡើងតម្លៃមុនគេ។

កិច្ចសម្ភាសន៍ខ្លី៖(Asela Sampath – សកម្មជនសិទ្ធិអ្នកប្រើប្រាស់)៖“តម្លៃរបស់របរសំខាន់ៗទាំងអស់ត្រូវបានឡើងថ្លៃ ដែលមានន័យថាមនុស្សនឹងពិបាកក្នុងការ បំពេញតម្រូវការអាហារប្រចាំថ្ងៃរបស់ពួកគេ។ នេះគឺជាស្ថានភាពដ៏ធ្ងន់ធ្ងរមួយ។ ក្នុងនាម សមាគមន៍ម្ចាស់ហាងនំបុ័ង យើងបានដំឡើងត្រឹមតែ 10 រូពី សម្រាប់អាហារមួយកញ្ចប់។ អ្វីដែលធ្វើឱ្យយើងបារម្ភគឺថា រដ្ឋាភិបាល និងក្រុមមន្ត្រីផ្តល់កញ្ចប់អាហារដល់អ្នកប្រើប្រាស់ ដោយគ្រាន់តែបង្កើនតម្លៃចំនួន 10 រូពី ដើម្បីឱ្យវាមានតម្លៃសមរម្យសម្រាប់ពួកគេ។ យើង អាចបង្កើនតម្លៃចំនួន 30 រូពី បន្ទាប់មកវានឹងប្រែទៅជាវិបត្តិនយោបាយដែលអ្នកប្រើប្រាស់ អាចនឹងត្រូវប្រឆាំង។ ក្នុងនាមជាសមាគមម្ចាស់ហាងនំប៉័ង យើងមានការព្រួយបារម្ភយ៉ាង ខ្លាំងអំពីអ្នកប្រើប្រាស់ ដោយសារពួកគេជាអាទិភាពចម្បងរបស់យើង។ ”

សេចក្តីថ្លែងការណ៍របស់ (Hon. Dr. Bandula Gunawardena – រដ្ឋមន្ត្រីក្រសួងពាណិជ្ជកម្មស្រីលង្កា ) នៅសភាទាក់ទងនឹងការដំឡើងថ្លៃទំនិញ៖
“មនុស្សច្រើនជាង 0,7 លាននាក់ បានប្រថុយជីវិតរបស់ពួកគេនៅក្នុងប្រទេសមួយ ដូចជាសហរដ្ឋអាមេរិក ដែលនៅទីនោះមានកម្លាំងយោធា និងកន្លែងស្រាវជ្រាវល្អជាង ស្រីលង្កា។ ពិភពលោកទាំងមូលបានស្ថិតនៅក្រោមការបិទខ្ទប់ ហើយតម្លៃទំនិញសំខាន់ៗ ទាំងអស់ត្រូវបានកើនឡើងយ៉ាងខ្លាំងដោយសារតែការឡើងថ្លៃនៃការដឹកជញ្ជូនកប៉ាល់ និងទំនិញ។ ក្នុងរយៈពេលមួយសប្តាហ៍ចុងក្រោយនេះ តម្លៃប្រេងសាំងត្រូវបានកើនឡើង 130% នៅក្នុងទីផ្សារពិភពលោក ដែលជាមូលហេតុនៃស្ថានភាពបច្ចុប្បន្នដែលកំពុងមាន នៅក្នុងប្រទេស។ យើងត្រូវតែសាទរដែលរដ្ឋាភិបាលស្រីលង្កាអាចស្ថិតក្នុងចំណោមប្រទេស ទាំងដប់ដែលអាចចាក់វ៉ាក់សាំងបានដល់ប្រជាជនភាគច្រើន។ ”

កិច្ចសម្ភាសន៍ខ្លី៖(Uruwarige Wannila Atthho – មេដឹកនាំជនជាតិដើម)៖“ដោយសារការឡើងថ្លៃនាពេលបច្ចុប្បន្ននៃទំនិញសំខាន់ៗ ប្រជាជនភាគច្រើនដែល រកបានតាមរយៈប្រាក់ឈ្នួលប្រចាំថ្ងៃត្រូវបានរងផលប៉ះពាល់យ៉ាងធ្ងន់ធ្ងរ និងពិបាក ផ្គត់ផ្គង់អាហារប្រចាំថ្ងៃរបស់ពួកគេ។ ប្រសិនបើស្ថានភាពនេះអាចកាន់តែធ្ងន់ធ្ងរឡើង ហើយដោយសារកត្តានេះ មនុស្សក្នុងសហគមន៍របស់យើងក៏ប្រឈមនឹងការលំបាកជា ច្រើនក្នុងជីវិតប្រចាំថ្ងៃរបស់ពួកគេ។ ”